စစ်တွေမှာ လုံထိန်းအင်အားကိုပုံမှန်ထက်များစွာချထား
စစ်တွေမှာ လုံထိန်းအင်အားကို ပုံမှန်ထက် များစွာ ချထားတာကြောင့် ဒေသခံအချို့ ကြောက်လန့် ထွက်ပြေး
ရန်ကုန်၊ သြဂုတ် ၂၅ / စစ်တွေမှာ လူဦးရေစာရင်း ကောက်ခံတဲ့အခါမှာ
စစ်တွေမှာ လူဦးရေစာရင်း ကောက်ခံတဲ့အခါမှာ လုံထိန်းအင်အားကို ပုံမှန်ထက် များစွာ ချထားတာကြောင့် ဒေသခံအချို့ ကြောက်လန့် ထွက်ပြေးပြီး စာရင်းမဝင်တာတွေ ဖြစ်နေတယ်လို့ စစ်တွေဒေသခံ တစ်ချို့က ဆိုပါတယ်။“လုံထိန်းအင်အားက်ို အများကြီး ချထားတော့ ဥယျာဉ်သာအုပ်စုက တစ်ချို့ ကလေးတွေ၊ မ်ိန်းမတွေက ထွက်ပြေးတာပေါ့၊ ယောင်္ကျာသားလဲ မရှိတော့ ကြောက်ကျတယ်၊ ပြီးတော့ လုံထိန်းတွေက ဝတ်စုံအပြည့်အစုံနဲ့၊ ဒေသခံအချို့က ဗမာစကားလဲ မတက်ဘူး၊ ရခိုင်စကားလဲ မပြောတက်တော့ ကြောက်ပြီး ထွက်ပြေးကြတာ” လို့ စစ်တွေဒေသခံ တစ်ဦးက မြန်မာမွတ်စ်လင် မီဒီင်္ယာကို ပြောကြားခဲ့ပါတယ်။
ရခိုင်ပြည်နယ် စစ်တွေမြို့နယ်မှာ လူဦးရေ သန်းခေါင်းစာရင် ကောက်ယူမှုကို သြဂုတ်လ (၂၃) ရက်နေ့က စတင် လုပ်ဆောင်ခဲ့ပါတယ်။ အဆိုပါ လူဦးရေ စာရင်းကောက်ယူမှုတွင် လုံခြုံရေး အင်အားကို ပုံမှန်ထက်များပြားစွာ ချထားတယ်လို့ ဒေသခံတွေက ဆိုပါတယ်။ မှန်စီကွက်စုံနဲ့ သက္ကေပြင်ကန့်မှာ လုံထိန်းအင်အား ၄၀၀ မှ ၅၀၀ ဝန်းကျင်ခန့်ရှိပြီး ဥယျာဉ်သာအုပ်စု ကျေးရွာတွေမှာတော့ လုံထိန်းအင်အား ၇၀၀ မှ ၈၀၀ ဝန်းကျင် ချထားတယ်လို့ သတင်းရရှိပါတယ်။
လူဦးရေစာရင်း ကောက်ယူမှုအတွက် အိမ်တစ်အိမ်ကို ဝင်ရောက်တဲ့အခါမှာလဲ လုံထိန်းအင်အား ၃၀ ဝန်းကျင်ခန့်က အိမ်ရဲ့ ရှေ့နောက်တံခါးတွေမှာ နေရာယူ ထားတာကြောင့် ဒေသခံ အချို့ ကြောက်လန့် ထွက်ပြေးသွားခြင်း ဖြစ်တယ်လို့ သိရပါတယ်။ ကြောက်လန့် ထွက်ပြေးမှုကြောင့် စာရင်းမဝင်တဲ့သူ ၃၀ ရာခိုင်နှုန်းလောက် ရှိတယ်လို့ သိရပါတယ်။
“လုံခြုံရေးယူတာကို မပြောလိုပါဘူး၊ အိမ်အပြင်မှာပဲ လုံခြုံရေးယူပေါ့ ခုတော့ အကြမ်းဖက်သမားပဲ ဖမ်းသလို၊ သူပုန်ပဲစစ်သလို လုပ်တော့ လူတွေ ကြောက်ကြတာပေါ့၊ အိမ်တစ်အိမ်မှာ အလွန်ဆုံးရှိလှ မိသားစု ၈ ယောက်ပေါ့ ဒါကို လူလေးဆယ်လောက်က လူဦးရေ စာရင်းကောက်တော့ ကြောက်တာ မဆန်းပါဘူး၊ တစ်ခုပဲ စိုးရိမ်တာက စာရင်းမဝင်တဲ့သူတွေကို ခိုဝင်ဘင်္ဂလီလို့ စာရင်းထည့်မှာ စိုးတယ်” လို့ ဒေသခံတစ်ဦးက မြန်မာမွတ်စ်လင်မီဒီယာသို့ ပြောပါတယ်။
ရခိုင်ပြည်နယ် အစိုးရအဖွဲ့မှ နောက်တစ်ကြိမ် စာရင်းပြန်လည် တိုက်ဆိုင် စစ်ဆေးတဲ့အခါမှာ လူဦးရေ စာရင်း ကောက်ခံမှုမှာ စာရင်းမဝင်တဲ့ လူ ၃၀ ရာခိုင်နှုန်းကို ခိုးဝင်ဘင်္ဂလီ အဖြစ် သတ်မှတ်လိုက်မှာကို ဒေသခံတွေ စိုးရိမ်နေကြပါတယ်။ စစ်တွေမှာ လူဦးရေစာရင်း ကောက်ခံမှုကို ဧပြီလ၂၆ ရက်နေ့မှာ ပထမအကြိမ် ကောက်ခံမှု ရှိခဲ့ပါတယ်။ အဆိုပါ ကောက်ခံမှုတွင် စစ်တပ်နဲ့ ဒေသခံ ဒုက္ခသည်တွေ ပဋိပက္ခ ဖြစ်ပွားခဲ့ပါတယ်။ ပထမဖြစ်စဉ်ကြောင့် ယခုတစ်ကြိမ်မှာ လုံခြုံရေး အင်အားကို တိုးမြင့် ချထားခြင်း ဖြစ်နိုင်တယ်လို့ သိရပါတယ်။
သတင်း – မိုးကြယ်စင်
